Шуйское благочиние Приход Преображенского храма г.Шуя, храм в п.Мельничное

Готовимся к Троице

Читаем молитвы, учим тропари:

 Пятница:

Тропарь гл.4:

Возне́слся еси́ во сла́ве, Христе́ Бо́же наш,/ ра́дость сотвори́вый ученико́м,/ обетова́нием Свята́го Ду́ха,/ извеще́нным им бы́вшим благослове́нием,// я́ко Ты еси́ Сын Бо́жий, Изба́витель ми́ра.

глас 4

Всеблага́я и преми́лостивая Засту́пнице ро́да христиа́нскаго,/ Пречи́стая Де́во Богоро́дице,/ припа́дающе пред святы́м и чудотво́рным Твои́м о́бразом,/ и́мже от лю́таго смерто́носия град Шу́ю дре́вле изба́вила еси́,/ уми́льно взыва́ем Ти:/ не преста́й под кро́вом Своея́ бла́гости/ сохраня́ти от бед и обстоя́ний град Твой/ и вся гра́ды и ве́си страны́ Росси́йския/ и моли́ти Сы́на Твоего́, Христа́ Бо́га на́шего, // да спасе́т ду́ши на́ша.

Трпарь гл. 4

Пра­ви­ло ве­ры и об­раз кро­то­сти, воз­дер­жа­ния учи­те­ля яви тя ста­ду тво­е­му, яже ве­щей ис­ти­на. Се­го ра­ди стя­жал еси сми­ре­ни­ем вы­со­кая, ни­ще­тою бо­га­тая: отче свя­щен­но­начальни­че Николае, мо­ли Хри­ста Бо­га, спастися душам на­шим.

тропарь, глас 4:

Со апо́столы изы́де веща́ние твое́ в концы́ вселе́нныя,/ с испове́дники стpа́дания за Хpиста́ пpетеpпе́л еси́,/ святи́телем уподо́бился еси́ Сло́ва пpопове́данием,/ с пpеподо́бными во благода́ти Бо́жией пpосия́л еси́./ Сего́ pа́ди вознесе́ Госпо́дь бе́здну смиpе́ния твоего́ пpевы́ше небе́с,/ и даpова́ нам и́мя твое́ во исто́чник пpеди́вных чуде́с./ Те́мже во Хpисте́ во ве́ки живы́й, чудотво́pче,/ любо́вию ми́луй су́щия в беда́х,/ слы́ши ча́да твоя́, ве́pою тя пpизыва́ющия,/ Иоа́нне пpа́ведне,// возлю́бленный па́стыpю наш.

Кондак, глас 3:

В Мирех, святе, священнодействитель показался еси, / Христово бо, преподобне, Евангелие исполнив, / положил еси душу твою о людех твоих / и спасл еси неповинныя от смерти. / Сего ради освятился еси, / яко великий таинник Божия благодати.

кондак, глас 6:

Пропове́дником и́стины, богоно́сным отце́м подра́жая,/ всего́ себе́ на служе́ние Бо́гу и бли́жним вдал еси́,/ и сан свяще́нства нося́, поко́я не ве́дал еси́,/ слу́жбы Бо́жия в хра́ме при́сно соверша́я,/ и в доме́х ве́рных моле́бныя пе́ния воспева́я,/ нужда́ющимся ще́дро благотворя́,/ та́ко наименова́ние благотво́рца и безсре́бренника стяжа́л еси́, Иоа́нне./ Те́мже и по успе́нии твое́м росси́йския лю́дие прославля́ют и́мя твое́,/ и ве́чную па́мять тебе́ возглаша́юще,// пою́т Бо́гу: аллилу́ия.

Кондак гл.6:

Е́же о нас испо́лнив смотре́ние,/ и я́же на земли́ соедини́в Небе́сным,/ возне́слся еси́ во сла́ве, Христе́ Бо́же наш,/ ника́коже отлуча́яся,/ но пребыва́я неотсту́пный,/ и вопия́ лю́бящим Тя:// Аз есмь с ва́ми и никто́же на вы.

                                          Слава

Со святыми упокой

                                         И ныне

Кондак, глас 6:

Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти:/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.

                                               Задостойник, глас 5:

Велича́й, душе́ моя́,// возне́сшагося от земли́ на не́бо Христа́ Жизнода́вца.

Тя, па́че ума́ и словесе́ Ма́терь Бо́жию,/ в ле́то Безле́тнаго неизрече́нно ро́ждшую,// ве́рнии, единому́дренно велича́ем.

Суббота:

Тропарь, глас 7:

Преобрази́лся еси́ на горе́, Христе́ Бо́же, / показа́вый ученико́м Твои́м сла́ву Твою́, / я́коже можа́ху, / да возсия́ет и нам, гре́шным, / свет Твой присносу́щный / моли́твами Богоро́дицы, // Светода́вче, сла́ва Тебе́.

тропарь, глас 8-й:

Глубиною мудрости человеколюбно вся строяй, / и полезная всем подаваяй, / Едине Содетелю, упокой, Господи, душы раб Твоих: / на Тя бо упование возложиша, / Творца и Зиждителя и Бога нашего.

                                                       глас 4

Всеблага́я и преми́лостивая Засту́пнице ро́да христиа́нскаго,/ Пречи́стая Де́во Богоро́дице,/ припа́дающе пред святы́м и чудотво́рным Твои́м о́бразом,/ и́мже от лю́таго смерто́носия град Шу́ю дре́вле изба́вила еси́,/ уми́льно взыва́ем Ти:/ не преста́й под кро́вом Своея́ бла́гости/ сохраня́ти от бед и обстоя́ний град Твой/ и вся гра́ды и ве́си страны́ Росси́йския/ и моли́ти Сы́на Твоего́, Христа́ Бо́га на́шего, // да спасе́т ду́ши на́ша.

                                                      тропарь гл.8

Тебе и стену и пристанище имамы, / и Молитвенницу благоприятну к Богу. / Егоже родила еси, Богородице Безневестная, верных спасение.

                                                     Слава

Со святыми......

                                                     и ныне

кондак, глас 6

Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я/ на по́мощь нас, ве́рно зову́щих Ти,/ ускори́ на моли́тву и потщи́ся на умоле́ние, // предста́тельствующи при́сно, Богоро́дице, чту́щих Тя.

                                                

                                            

Проки́мен заупоко́йный, глас 6:

                                            Ду́ши их во благи́х водворя́тся.

Прича́стен заупоко́йный:

       Блаже́ни, я́же избра́л, и прия́л еси́ Го́споди, и па́мять их в род и род.

                                 Аллилу́ия (Три́жды.)

Вме́сто «Ви́дехом Свет И́стинный...»:

Тропа́рь, глас 8:

Глубино́ю му́дрости человеколю́бно вся стро́яй,/ и поле́зное всем подава́яй,/ еди́не Соде́телю, упоко́й Го́споди, ду́ши раб Твои́х:/ на Тя бо упова́ние возложи́ша,// Творца́ и Зижди́теля и Бо́га на́шего.

Тропари Троицы

                                      Тропа́рь Пятидеся́тницы, глас 8:

Благослове́н еси́, Христе́ Бо́же наш,/ И́же прему́дры ловцы́ явле́й,/ низпосла́в им Ду́ха Свята́го,/ и те́ми уловле́й вселе́нную,// Человеколю́бче, сла́ва Тебе́.

                                                      тропарь, глас 4:

Всеблага́я и преми́лостивая Засту́пнице ро́да христиа́нскаго,/ Пречи́стая Де́во Богоро́дице,/ припа́дающе пред святы́м и чудотво́рным Твои́м о́бразом,/ и́мже от лю́таго смерто́носия град Шу́ю дре́вле изба́вила еси́,/ уми́льно взыва́ем Ти:/ не преста́й под кро́вом Своея́ бла́гости/ сохраня́ти от бед и обстоя́ний град Твой/ и вся гра́ды и ве́си страны́ Росси́йския/ и моли́ти Сы́на Твоего́, Христа́ Бо́га на́шего, // да спасе́т ду́ши на́ши

                                

Конда́к Пятидеся́тницы, глaс 8:

Егда снизшед языки слия,/ разделяше языки Вышний,/ егда же огненныя языки раздаяше,/ в соединение вся призва// и согласно славим Всесвятаго Духа.

Слава Отцу и Сыну и Святому Духу и ныне и присно и во веки веков. Аминь.

                                                       кондак, глас 6:

Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я/ на по́мощь нас, ве́рно зову́щих Ти,/ ускори́ на моли́тву и потщи́ся на умоле́ние, // предста́тельствующи при́сно, Богоро́дице, чту́щих Тя.

Вме́сто Трисвято́го:

Ели́цы во Христа́ крести́стеся,/ во Христа́ облеко́стеся,// аллилу́иа. (Три́жды)

Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Во Христа́ облеко́стеся,// аллилу́иа.

Ели́цы во Христа́ крести́стеся,/ во Христа́ облеко́стеся,// аллилу́иа.

                                                

                                                         Проки́мен, глас 8:

Во всю зе́млю изы́де веща́ние их,/ и в концы́ вселе́нныя глаго́лы их.

Задосто́йник (Вме́сто «Досто́йно…»):

Апо́столи, соше́ствие Уте́шителя зря́ще, удиви́шася,/ ка́ко в ви́де о́гненных язы́к яви́ся Дух Святы́й.

Ирмо́с Пятидеся́тницы, глас 4:

Ра́дуйся, Цари́це,/ матероде́вственная сла́во,/ вся́ка бо удобообраща́тельная/ благоглаго́ливая уста́ вити́йствовати не мо́гут,/ Тебе́ пе́ти досто́йно,/ изумева́ет же ум всяк Твое́ Рождество́ разуме́ти.// Те́мже Тя согла́сно сла́вим.

Прича́стен Пятидеся́тницы:

                                 Дух Твой Благи́й наста́вит мя на зе́млю пра́ву.

                          Аллилу́ия, аллилу́ия, аллилу́ия.